【ゆきお地域物語 #06】靜岡山葵——教你睇包裝揀真山葵
ゆきお地域物語 #06
靜岡山葵——教你睇包裝揀真山葵
每一隻ゆきお，都藏著一個日本地區小故事。今集主角嚟自靜岡縣，係一隻鮮綠色、頭頂長住山葵葉、隨時問你「刺激足りてる？（夠唔夠刺激呀？！）」嘅山葵ゆきお。
靜岡 山葵（しずおか わさび）
靜岡縣係日本頂級山葵之鄉，亦係日本山葵產量第一嘅地方，全日本約70%嘅頂級本山葵都來自靜岡。這份美譽有超過400年歷史，可追溯至江戶時代初期，靜岡地區嘅農民發現當地山澗水質極佳，率先開始人工栽培山葵。
山葵同辣椒嘅「辣」係唔同嘅。辣椒靠辣椒素刺激舌頭，但山葵嘅辛辣成份係異硫氰酸酯（アリルイソチオシアネート），揮發性極強，食嘅時候那股辣係直衝鼻竇而非停留喺舌頭，所以會有股「嗆上腦」嘅感覺——呢個就係本山葵同辣根最大嘅分別。此外，異硫氰酸酯有強力抗菌功效，係江戶時代壽司師傅喺生魚片旁邊放山葵嘅重要原因之一。
靜岡山葵豆知識
🏆 產量第一，400年歷史發源地
靜岡係日本本山葵栽培嘅起源地，全國頂級本わさび有70%來自此地。山葵植株生長緩慢，由種植到收成需要約1.5至2年，加上對水質、溫度嘅要求極高，令本山葵成為珍貴食材。
🗻 品質秘密——富士山清澈泉水
靜岡嘅山葵田以富士山融雪形成嘅天然泉水灌溉，水質清澈潔淨，長年維持13-15°C恆溫。山葵根部喜愛冷涼環境，過冷或過熱都會影響生長，呢個先天優勢係其他地區難以複製嘅。
🌍 世界級認證——聯合國FAO全球重要農業文化遺產
靜岡獨特嘅「疊石式」山葵栽培法（わさびの沢わさびの栽培）已被聯合國糧農組織（FAO）認定為全球重要農業文化遺產。疊石式係將大石砌成梯田形狀，令山泉水均勻流過每株山葵根部，同時防止水流過急沖走根部，係山葵栽培史上嘅偉大農業智慧。
🌿 口感豐富，層次分明
正宗本山葵嘅味道唔係「死辣」——初味帶微甜，繼而後勁爽快微辣，餘韻係淡淡清香。香氣成份高度揮發，新鮮磨碎後5至10分鐘內風味最強，所以高級壽司店都係即磨即用，唔會預先磨好擺喺碟上。
睇包裝揀真山葵——三個步驟
去超市買山葵醬，你有冇諗過條管入面到底係咩？其實好多平價山葵醬，真正嘅本山葵成份極少，主要係用辣根（西洋山葵）代替——以下三個步驟教你睇穿包裝。
① 先搞清原材料——本わさび vs 西洋わさび
原材料表入面，搵清楚寫嘅係「本わさび」定係「西洋わさび」：
- 本わさび（正宗日本山葵）——外觀深綠色，風味溫和帶層次，微甜口感細膩，成本高昂
- 西洋わさび（辣根 / Horseradish）——外觀灰白，辛辣度極強但風味單一，適合加工，平價替代品
好多平價山葵醬，原材料表第一位係「西洋わさび（中国）」，本わさび反而排喺後面成份極少，甚至只係添加色素令佢呈綠色。
② 再睇含量——「使用」vs「入り」字面大不同
根據日本山葵加工協會制定嘅統一標準：
- 本わさび使用——代表採用真正的本山葵製成，本山葵含量 >50%
- 本わさび入り——代表含有真正的本山葵，但含量 <50%，通常需要辣根撐場
一字之差，含量天淵之別。
③ 最後睇產地——齊寫「國產」都未夠好
日本山葵產地以靜岡同長野信濃野最出名。如果包裝標明「靜岡/信濃野産本わさび限定使用」，代表它沒有混入廉價山葵，通常味道更有層次，不會只得死辣。
留意：本わさび未必一定係日本產，其實也有中國等地輸入嘅。平時壽司店免費自取嘅山葵小包，大多係以輸入辣根為主要成份製成。
「雖然我同醬油都係壽司朋友，但麻煩唔好再將我撈落醬油度一齊食，咁會破壞左我既清香同醬油既鮮味！！！」
——靜岡山葵 又双叒一次溫馨提示
真正既山葵唔止死辣，其實會有微甜，餘韻清香，層次好豐富。下次黎日本，一定要試下即磨山葵，風味真係好唔同！！
ゆきお地域物語 #06｜靜岡秋葵篇
想睇更多日本文化小知識？Follow us on Instagram @iroiro.selectshop