日本水果冷知識

喺超市揀麝香葡萄，你係唔係下意識避開黃色、專揀翠綠色嗰串？如果係，你可能一直揀緊甜度較低嗰串而唔知。今次帶你了解麝香葡萄顏色背後嘅秘密。

麝香葡萄（Shine Muscat）係咩？

麝香葡萄係日本農業食品產業技術綜合研究機構（NARO）研發、於2006年正式登錄嘅日本原創葡萄品種，係「安藝津21號」與「白南」交配培育而成。佢嘅三大特點令佢迅速成為日本最受歡迎嘅高級葡萄品種：無核、皮薄、糖度極高。

成熟嘅麝香葡萄帶有淡淡麝香（Muscat）花香，果肉爽脆多汁，糖度通常達16至20度，喺日本本名貴送禮首選。

麝香葡萄愈黃，甜度其實愈高

根據山梨縣綜合理工學研究機構於2012年制定嘅「收穫適期判別顏色圖表」（Shine Muscat專用），麝香葡萄嘅顏色可以級，顏色愈黃其實代表熟成程度愈高：

圖表4號以上（偏黃）——糖度可達19度以上，甜味非常突出。

換言之，你喺超市見到嗰串偏黃嘅麝香葡萄，唔係「唔好食」，而係「已經熟透、更甜」。

點解變黃反而更甜！

原因一：天氣炎熱令葉綠素加速分解
日照時間長、氣溫高，令果皮中嘅葉綠素分解得更快，綠色色素褪去，轉而顯現出底色嘅偏黃。呢個係自然嘅光合作用過程，唔係壞掉嘅訊號。

原因二：在樹上完成更高程度嘅自然熟成
麝香葡萄熟成過程中，果皮由深綠漸轉淡綠，最後帶黃。偏黃嘅葡萄係因為農夫讓佢在樹上留得更長、熟成程度更高才收穫，糖份在此期間充分積累——結果就係更甜。

相比之下，翠綠色嘅麝香葡萄往往係偏早收成，賣相靚，但糖度相對較低。兩者各有市場：食客若追求高糖度，偏黃嗰串反而係更好嘅選擇。

應該點揀？

兩種顏色冇絕對優劣，取決於你嘅偏好：

翠綠色——甜度相對較低，帶微酸，但Muscat花香氣會比較濃郁，果香清新，適合喜歡香氣多過甜度嘅食客。

偏黃色——甜度較高，糖份充分積累，但麝香花香氣相對較弱，適合喜歡甜蜜飽滿口感嘅食客。

所以果實黄唔黄，唔代表新鮮程度，如果真係想睇新鮮程度，可以留意：

果粒飽滿緊實、梗部呈深綠色，就代表新鮮；梗部枯黃代表採摘後時間較長，所以未必係最新鮮。

小結——我很醜，但我甜到漏

雖然黃色賣相確實無咁吸引，但其實都仲係好食，而且更甜。有時仲可能因為賣相無咁好睇而賣平少少——反而係識食嘅人嘅著數之選。

下次喺日本超市或水果店見到偏黃嘅麝香葡萄，唔好急住走——先睇清楚糖度有冇標示，偏黃 + 高糖度，隨時係全場最抵食嗰串。