男人40歲後就會有加齡臭？4種男士體味成因＋日本除臭沐浴露推介
男人40歲後，就會開始有「加齡臭」？
MEN'S BODY CARE｜男士體味護理
明明每日都有沖涼，但身上仍然有一種難以形容嘅氣味？屋企人話你個枕頭有陣「老餅味」，或者自己除低件衫先發覺有陣油膩味……其實唔係你唔夠乾淨，而係年紀、荷爾蒙同皮膚細菌一齊作怪。
今次帶你認識男士最常見嘅4種體味，再睇日本人點樣用沐浴產品從源頭處理佢。
男士體臭，點解會產生？
人體會因為年齡、荷爾蒙、汗水、皮脂同細菌等因素，產生唔同類別嘅氣味。日本人將男士體味細分為以下4種，成因同出現位置都唔一樣：
① 加齡臭（かれいしゅう）——油膩、陳舊嘅氣味
年齡增長後，皮脂成份會出現變化，其中嘅脂肪酸（棕櫚油酸）被氧化，產生一種叫「壬烯醛（ノネナール）」嘅物質。呢個係日本資生堂喺1999年發現嘅成份，一般40歲左右開始明顯。
常見位置：後頸、耳背、頭皮、背部
② 中年脂臭（ミドル脂臭）——回鍋油、發酵味
頭皮汗液中嘅乳酸被皮膚細菌代謝後，產生「二乙酰（ジアセチル）」。呢種氣味比加齡臭更早出現，30至50歲最明顯，日本男士護理品牌 Mandom 喺2013年先正式命名。
常見位置：後腦、頭頂、後頸
③ 汗臭——酸味、汗饐味
汗水本身其實冇乜味，問題係當汗液、皮脂同皮膚表面物質被細菌分解，就會產生令人不適嘅酸味。香港天氣濕熱，呢種最容易中。
常見位置：腋下、腳趾、易出汗位置
④ 男性特有臭——麝香、尿味
來自男性荷爾蒙相關嘅「雄烯酮（アンドロステノン）」。有趣嘅係，每個人對呢種氣味嘅敏感度差好遠——部分人反應好大，亦有人完全聞唔到，所以自己唔覺，唔代表身邊人唔覺。
常見位置：腋下、腹股溝
除臭沐浴產品，究竟點樣除臭？
唔同體味有唔同成因，所以除臭產品亦會透過唔同方法，從多個角度改善同預防體味：
01 清潔去除——洗走體味來源
透過豐富泡沫同清潔成分，洗走皮脂、汗液、老化角質等，減少產生氣味嘅物質。
02 抑制細菌——減少異味產生
利用藥用殺菌成分，抑制皮膚表面細菌繁殖，減少汗液被分解後產生嘅異味物質。
03 吸附・中和——減少氣味分子
利用柿渋、植物萃取、吸附粉末等特定成分，吸附或中和部分氣味物質，減少異味飄散。
04 香味遮蓋——調整氣味感受
以天然或清新香料掩蓋異味，改變氣味嘅整體感受，令人感覺更清爽舒適。
日本標示「藥用」嘅沐浴產品屬於「醫藥部外品」，即係有效成分同功效經日本厚生勞動省認可，比一般沐浴露更針對性。了解完機理，一齊睇下4款人氣產品！
KnS 柿のさち｜日本製藥用柿渋沐浴露
主要針對：加齡臭、汗臭
柿渋係從未熟澀柿提取嘅單寧成分，日本人用咗幾百年嚟做防腐、除臭，近年先被應用喺身體護理上。
柿渋配合——清潔皮脂，減少氣味來源，保持肌膚清爽。
藥用殺菌成分——抑制皮膚表面細菌，預防汗臭及體臭。
植物保濕成分——潔淨同時呵護肌膚，洗後舒爽不乾燥。
Deo carat｜日本 KOSÉ COSMEPORT 體味護理沐浴露
主要針對：汗臭、加齡臭｜男女適用
由高絲旗下 KOSÉ COSMEPORT 推出，定位係男女都啱用嘅日常體味護理，一家大細可以共用一支。
藥用殺菌成分——有效抑制皮膚表面細菌，預防汗臭及體臭。
抗炎護理成分——甘草酸二鉀，預防背部、胸口暗瘡。
香氣遮蓋技術——針對加齡臭、皮脂臭、壓力臭、疲勞臭等，保持清爽舒適。
LÚCIDO｜日本 MANDOM 40+ 藥用除臭沐浴露
主要針對：中年脂臭、加齡臭、汗臭
出自最先命名「中年脂臭」嘅 Mandom，專為40歲以上男士設計，一支針對三種體味。無香料、無着色，唔鍾意香味嘅男士首選。
皮脂吸附濃密泡沫——深入清潔汗液、多餘皮脂及黏膩污垢。
清涼保濕配方——含薄荷醇，清涼洗感，並配合輔酶Q10及類神經醯胺，保持肌膚水潤。
藥用殺菌成分——有效抑制皮膚表面細菌，預防汗臭及體臭。
有清爽型同保濕型兩款，油性肌揀清爽型，皮膚偏乾就揀保濕型。
VARON｜日本 SUNTORY 藥用除臭皂
主要針對：男性特有臭、加齡臭、汗臭
由三得利（SUNTORY）男士護理品牌推出嘅黑色除臭皂，四款入面覆蓋範圍最全面，連男性特有臭都照顧埋。
專利成分——抑制引起體味嘅氣味物質，從根源對抗加齡臭。
植物萃取配合——改善皮脂氧化，保持肌膚清爽。
保濕護膚——滋潤乾燥肌膚，提升肌膚屏障功能。
4款點揀好？
- 想要天然柿渋、針對加齡臭＋汗臭——KnS 柿のさち
- 想一家人共用、兼顧背部暗瘡——Deo carat
- 40歲以上、頭皮後頸有油膩味、唔鍾意香味——LÚCIDO
- 想一次過照顧4種體味、鍾意用番梘——VARON
除臭小貼士——洗啱位置先有效
揀啱產品之外，洗嘅方法都好重要：
- 重點洗後頸、耳背、背部——加齡臭最集中嘅位置，偏偏係最易洗漏嘅地方。
- 起泡後停留30秒先沖——藥用成分需要少少時間發揮作用。
- 頭髮要徹底吹乾——頭皮濕焗係中年脂臭嘅溫床。
- 定期換洗枕袋同床單——皮脂會積聚喺布料，氣味會留低。
上了年紀，更要好好保養
選對護理產品，減少體味困擾，保持清爽潔淨，讓你時刻從容、自信出發。清爽，也是自信！
覺得有用？立即分享畀你身邊嘅男士啦。
MEN'S BODY CARE｜男士體味護理
想睇更多日本生活好物？Follow us on Instagram @iroiro.selectshop