日本新年標準操作｜日本人新年到底係點慶祝？
日本新年，其實有一套「標準配置」
對日本人嚟講，新年唔只係假期，而係一個迎接年神、祈求新一年平安順利嘅重要儀式。
由年尾開始，家家戶戶都會準備好新年裝飾、料理，同埋安排新年期間嘅指定活動。以下就一次過帶你睇清楚日本新年嘅「基本配置」。
🎍 新年標配｜門口裝飾（辟邪・迎神）
注連繩（しめかざり）
由稻草編成嘅神聖繩圈，通常掛喺門口。
- 用途：阻擋污穢、邪靈
- 含義：迎接新年神靈到來
門松 （かどまつ）
由竹、松葉等植物組成，正月期間擺放於家門或店舖門前。
- 象徵：長壽、力量、吉祥
- 意義：作為年神降臨嘅標記
📌 擺放時間小提醒
一般會於 12 月 13–28 日 開始擺放，(記得預先擺定，唔可以在12月29-31才擺）
擺到 1 月 7 日「松之內」 結束（部分地區到 1 月 15 日）。
🧿 新年標配｜守護裝飾（祈願・除厄）
達摩（だるま）
日本代表性祈願吉祥物。
- 買回來時先畫一隻眼並許願
- 願望實現後再畫另一隻眼，代表願望達成
破魔矢（はまや）
新年期間於神社授與嘅守護箭。
- 用途：驅除不祥之物、避厄
- 寓意：迎來幸福與吉祥
📌 有啲人會喺新年期間，將舊一年嘅守護物品帶返神社奉還，再迎接新嘅一年。
🍊 新年標配｜鏡餅（裝飾完可食用）
鏡餅唔只係裝飾，而係供奉年神嘅重要象徵。
鏡餅嘅結構意義
- 頂層橙（代代）：代代相傳、家族興旺
- 兩層年糕：圓滿 × 幸福，象徵步步向上
- 綠色葉（裏白）：長壽、清白、吉祥
- 紅白裝飾（四方紅）：紅＝避邪｜白＝神聖
- 三方台：供奉神明用，增加儀式感
- 紙垂（Z 形紙）：神明到來的標記
小知識
新年過後會將鏡餅打開食用，
記得唔好用刀切，而係用手掰開，
象徵「不斷福、不破緣」。
🍱 新年必食料理｜おせち（御節料理）
おせち係日本正月期間一定會食嘅料理，盛載於重箱中，每一道菜都有祝福寓意：
- 紅白蒲鉾：慶典與喜氣
- 甜黑豆：一年無疾病
- 伊達卷：學業有成、知識增長
- 牛蒡：家庭與事業根基穩固
- 數の子（鯡魚卵）：多子多福
- 田作り（甜醬小魚）：五穀豐登、健康長壽
- 海老（蝦）：長壽的代表
⛩ 新年指定活動｜初詣
初詣係日本人喺新年第一次到神社或寺院參拜嘅習俗。
- 通常時間：1 月 1 日～3 日
- 祈求內容：健康、平安、事事順利
常見活動包括：
- 參拜祈福
- 抽御神籤
- 購買御守
- 逛神社屋台小吃
💰 溫馨提示｜參拜記得用 5 円
日文「五円（ごえん）」同「御縁（ごえん）」發音相同，
象徵好運、好緣份。
所以去神社參拜時，日本人通常會準備 5 円 作為香油錢，祈求新一年幸福滿滿。
結語
日本新年其實唔係單一活動，而係由裝飾、料理同參拜文化組成嘅完整儀式。
了解背後嘅意思，你會發現——
日本人過新年，其實係用行動迎接祝福。
更多日本文化分享，請追蹤我地嘅IG