你可能會以為線香只係拜神用？其實在線香的世界裡，香氣可以是一種放鬆、一種儀式，甚至是一種生活態度。
無論你係香氣新手，或者只係想搵一種方法令屋企更舒服，呢篇文章會幫你輕鬆了解線香，仲會教你點樣揀第一款線香，輕鬆入坑！
🌀 線香係咩嚟？
線香（日文：お線香）係一種不含竹枝的香條，用天然香料製成，例如檀香、沉香、花草等。點燃後會慢慢燃燒，釋放出香氣，香氣純淨自然，而唔會有燒木嘅雜味。
🌸 線香有咩用途？
線香唔止係「傳統用品」，而係現代生活嘅香氣夥伴：
- 🧘🏻 冥想、瑜伽配搭，助你集中精神
- 🧠 工作時提神醒腦（柑橘或草本香最啱）
- 😴 睡前放鬆情緒，助眠一流
- 🏠 營造屋企香香的氣氛，招呼朋友都加分！
🐣 初學者點樣揀第一款線香？
1. 從「易入口」香味開始
一般線香都會加入香料去調配不同口味，建議由以下幾類入手，唔易出錯：
- 🌼 花香（如薔薇、櫻花）：溫柔甜美
- 🍊 柑橘香（如柚子、橙花）：清新醒神
- 🌲 木香（如檀香）：平靜穩重，適合夜晚用
2. 選「細包」或「試香」裝
唔洗一開始就買大盒，細包裝或試香組可以畀你慢慢試，逐步搵到最啱你嘅香氣。
3. 避開加入過濃的人工香料
市面上有些較便宜的線香，為了散發出香味，加入過多過濃的人工香料，令到線香聞落變得好濁，失去傳統的味道，盡量避免。
🔥 線香應該點用？
其實用法超簡單：
- 將線香固定在香立上，再放一個香皿在下（如果冇香皿？其實用醬油碟都得XD）
- 點燃香頭，再輕輕吹熄火苗，留下煙
- 放鬆心情，慢慢享受香氣
📌 小貼士： 建議打開窗，讓香氣自然流動，每次一支就夠，大概20-25分鐘。
🏷️ 初學者推薦品牌（日本篇）
- 薫玉堂 Kunjudō： 京都百年老舖，香味文雅高貴
- QNOWA（by Kunjudo）： 香氣現代感強，設計時尚，其「moments」系列根據每日唔同時段的作息需要而建議點燃不同的線香。
🎁 小總結：香氣，是一種生活儀式感
線香不止係香，而係一種靜下來的方式。
當你習慣每日點一支線香，可能你會開始期待放工返到屋企、靜靜坐低、深呼吸的那一刻。
由今日開始，讓香氣陪你過生活吧 🌿
👉 想試下？可以由薰玉堂的試香包入手先：