【日本飲品解碼】什麼是「機能性飲料」、「特保食品」？真係有用？

去日本旅行嘅朋友，行開便利店買支飲品時，有冇發現好多支裝飲品上面寫住「機能性表示食品」、「特定保健用食品（特保）」、甚至有啲會標榜「減脂」、「穩定血糖」、「抗疲勞」等等？

呢類飲品到底係咩嚟？真係飲完有效？

一文教你簡單分類！

日本飲品常見分類

在日本，功能性飲品主要分為以下幾種：

1. 特定保健用食品（特保／Tokuho）

「特保」係日本厚生勞動省認證嘅保健食品，聲稱有明確功效，例如：

• 幫助降低膽固醇
• 改善腸道環境（例如乳酸菌飲料）
• 幫助減少體脂肪（例如黑烏龍茶）

產品包裝上會有一個「特保」Logo。呢D產品必須經臨床試驗及審批認證，而且上特定保健用食品搜尋資料庫（HFNet）就可以查到該飲品報告，信任程度及安全性非常高。

2. 機能性表示食品（機能性飲料） 

機能性表示食品係2015年新制度，無需政府審批，廠商只需要提交科學資料或文獻證明其聲稱功能，即可標示。例如：

• 含有GABA，有助放鬆
• 含有茶兒素，有助減脂
• 含有低GI成分，有助穩定血糖

包裝上一般都會印有「本品含有○○，可幫助△△」的文字，但由於唔駛政府逐一審查，都叫做有科學資料去證明其功效，都叫有D信心。

3. 一般機能性標示（未經註冊）

無特保 Logo、無機能性食品認證，只係以模糊廣告語吸引消費者，例如：

• 「脂肪が気になる方へ」＝為擔心脂肪嘅人設計
• 「糖質オフ」＝低糖
• 「疲れに効くかも？」＝可能有助舒緩疲勞

呢類飲品多屬商業包裝技巧，功能性唔一定有科學根據。就好似香港有D產品廣告咁，「或有助於○○問題」、「適合關注XX人士」等等。

簡單總結一下：