【ゆきお地域物語 #07】飲過淡路洋蔥湯，包你返唔到轉頭
ゆきお地域物語 #07
飲過淡路洋蔥湯，包你返唔到轉頭
每一隻ゆきお，都藏著一個日本地區小故事。今集主角嚟自兵庫縣淡路島，當地大名鼎鼎的人氣手信王淡路洋蔥！
淡路 洋蔥（あわじ たまねぎ）
淡路島位於兵庫縣南部，夾在本州與四國之間，以明石海峽大橋（世界最長吊橋之一）連接神戶。島上四面環海，受瀨戶內海溫暖氣候影響，日照充足，加上沿海砂質土壤排水性佳、海風帶來豐富礦物質，形成栽培洋蔥嘅天然優勢。
淡路島栽培洋蔥已有逾150年歷史，目前係日本最著名嘅洋蔥產地，全國銷量長期位居第一。每年春季收成嘅淡路洋蔥，係日本超市入面最受追捧嘅農產品之一，上架即售罄係常態。
淡路洋蔥豆知識
🍊 甜度勁過水果
一般洋蔥糖度只有約5%，但淡路出產嘅可以去到10%，仲甜過番茄、木瓜等部分生果。甜度高係因為淡路洋蔥水份特別多、辛辣成份少，兩者相輔相成，令甜味更突出。
🥗 生食唔怕辣親
一般切洋蔥，辣到標眼水、狂抹面。呢個係因為洋蔥細胞破壞後釋出「丙硫醛-S-氧化物」氣體，刺激眼部產生流淚反應——切得越快、越用力，釋出越多。但淡路洋蔥辣味成份含量特別少，即使生食都好溫柔，完全唔辣唔太嗆眼，係做沙律、薄切生食嘅首選。
淡路洋蔥地標——去淡路必打卡
🚰 洋蔥湯水龍頭——淡路ハイウェイオアシス
呢個係淡路島上最出名嘅打卡位之一。位於神戶淡路鳴門自動車道嘅淡路ハイウェイオアシス（淡路高速公路綠洲）休息站，裡面有一個造型可愛嘅洋蔥頭水龍頭，扭開就會流出熱辣辣嘅淡路洋蔥湯，而且係免費試飲。洋蔥湯濃郁甘甜、完全冇辛辣味，係幾乎每個途經淡路嘅旅客都會停低排隊試飲嘅體驗。
同一個休息站仲設有大量淡路島土產，包括洋蔥味薯片、洋蔥仙貝、洋蔥醬油等，係購買伴手禮嘅好地方。由神戶方向入淡路過橋後約幾分鐘車程即到，極度方便。
🧅 巨型洋蔥地標——南淡路打卡景點
南淡路市一帶設有多個以洋蔥為主題嘅裝置藝術，其中最著名的就是うずの丘 大鳴門橋記念館，露天有一個巨型洋蔥俾你打卡(假日時勁多人要排隊)，入面有一個可以坐入去拍照嘅巨型洋蔥切面雕像，四周以大量洋蔥造型擺設佈置，係旅遊打卡熱點。附近亦有多間洋蔥精品店，販售各類洋蔥主題紀念品。去鳴門漩渦、淡路夢舞台等景點途中，可以順道一遊。
「想去淡路時順便帶我返屋企？
我太受歡迎，好易斷貨，你都係幫襯IROIRO喇」
——淡路洋蔥 霸氣回應
淡路洋蔥ゆきお，小編有時去淡路玩時都唔係個個休息站都見到，如果大家日後有機會去淡路旅遊，見到記得入手呀。
ゆきお地域物語 #07｜淡路淡蔥篇
想睇更多日本文化小知識？Follow us on Instagram @iroiro.selectshop