【ゆきお地域物語 #01】富山灣的藍色星海，到底是什麼將海面染藍，形成大自然奇觀？
ゆきお地域物語 #01
每一隻「ゆきお」(YUKIO)，都藏著一個日本地區小故事。今次帶大家去到日本富山縣，認識一個只有當地先見到嘅自然奇觀——螢火魷。
會發光嘅魷魚：螢火魷係咩？
「螢火魷」嘅日文係「ホタルイカ」——「ホタル」即係螢火蟲，「イカ」即係魷魚，合埋就係「會發光嘅魷魚」。
呢隻魷魚全身大約有1,000個發光器，分佈喺眼睛、觸手、腹部，可以自由發光。發光唔淨係得意咁簡單，其實係佢既求生技能：捕獵、求偶、嚇走天敵，一身本領都靠呢一千個發光點。
富山灣「藍色星海」：每年3～6月限定景色
每年3月到6月，富山灣海面會出現如藍綠色寶石般、夢幻又神秘嘅發光帶，日本人稱呢個現象做「海の銀河」——海上嘅銀河。
點解會有呢個現象？因為螢火魷會由深海游上近岸，聚集到淺灘產卵，到咗翌日清晨先再返回外海。
日本好多地方其實都有螢火魷出現，但數十萬隻同時逼近海岸嘅大規模群游現象，幾乎只有富山灣先見得到。
日本の特別天然記念物
正因為呢個現象難得又美麗，為咗保護螢火魷產卵嘅生態系統同呢個大自然奇觀，富山灣由常願寺川河口左岸至魚津港、長約15公里嘅海面（滿潮時向外約1,260米），已經被日本納入為「日本の特別天然記念物」。
搞清楚！「我」其實唔受保護⋯⋯
不過呢度有個好得意嘅誤會，值得搞清楚：被列為「特別天然記念物」嘅，其實係螢火魷群游嘅海面，唔係螢火魷呢隻生物本身。
「被納入日本の特別天然記念物去保護嘅係我哋群游嘅海面，而唔係我本尊⋯⋯所以，我係不受保護，照樣被人類隨便食用。」
── 螢火魷唏噓地表示
事實上，螢火魷喺富山一帶仲係常見嘅季節性食材——保護嘅係生態系統同自然現象本身，唔係禁止食用呢種食材。
把富山灣帶回家
了解完我背後既故事，準備帶我回家未？
另外，富山仲有好多地區限定，睇完一次過帶埋返屋企喇
ゆきお地域物語 #01｜富山灣螢火魷篇
想睇更多日本文化小知識？Follow us on Instagram @iroiro.selectshop