ゆきお地域物語 #02

大阪通天閣——我唔止係一個普通觀光塔

每一隻ゆきお，都藏著一個日本地區小故事。今集主角嚟自大阪新世界地區，佢個名就叫「通天閣」——一座佇立咗逾百年、見證大阪盛衰嘅地標。

大阪 通天閣（おおさか つうてんかく）

通天閣係大阪新世界地區嘅著名鐵塔，名字源自漢語「摩天通天之閣」，意思係「直通天際的高閣」。佢同東京鐵塔、名古屋電視塔出自同一個設計師——內藤多仲（Naito Tachu）之手，可以話係「塔界名師」嘅代表作之一。

其實而家我哋見到嘅通天閣係第二代。第一代通天閣早於1912年落成，係當時日本最高嘅建築物之一，塔底仲連接住一個以巴黎凱旋門為靈感設計嘅拱廊街。可惜1943年一場大火，令佢被迫拆卸，鋼材更捐出去支援戰時物資。現時嘅第二代通天閣則於1956年重建，至今仍係新世界地區嘅精神核心。

塔嘅實際高度為108米，當中塔身高度100米，避雷針於2016年由3米更換為8米。頂部除咗設有大型時鐘，燈光系統更曾經可以預告天氣（後面詳述）。

新世界——大阪最「混搭」的地區

通天閣所在的新世界地區本身都係一個傳奇。1903年大阪萬博會後，這片土地被重新規劃，北半部以當時最時髦嘅巴黎為藍本，南半部則模仿紐約康尼島嘅遊樂園風格。兩種截然不同嘅文化在此交匯，形成獨一無二嘅「新世界」。

時至今日，新世界依然保留住昭和時代嘅庶民氣息，串炸（串カツ）小店林立，係大阪「下町」文化最真實的縮影。去通天閣之前，記得先喺附近試一頓串炸餐！

逐層玩盡通天閣

R5F 天保天堂・傾斜天閣
飽覽大阪全景嘅戶外觀景台及懸臂式觀景台，係拍攝大阪天際線嘅最佳位置。

5F 黃金觀景台
這裡供奉著通天閣嘅守護神——比利肯（Billiken）。比利肯源自美國，是20世紀初一個「心想事成」嘅幸運神，1912年第一代通天閣落成時引入，成為大阪人心目中嘅吉祥物。傳說只要摸佢嘅腳板底，願望就能成真。

4F 光之觀景台
一到晚上就會變成Disco燈光嘅觀景台，日夜完全係兩種風格。

R3F Dive & Walk
Walk：在屋頂外圍體驗一段運動路線，感受置身大阪上空嘅刺激感。
Dive：從塔頂約40米高垂直跳下，到達下方約14米嘅觀景台，係膽大心細之人嘅挑戰。

3F Tower Slider
10秒由22米高直達地下，喜歡刺激但唔想跳樓嘅朋友必試。

2F&3F 博物館及手信店——了解通天閣百年歷史嘅好地方
1F 底部嘅巨型天頂畫，仿製第一代通天閣嘅天頂畫，係難得一見嘅歷史復原
B1F Wakuwaku Land 關西限定手信商店，搵禮物首選

通天閣（曾經）天氣預報

自1979年起，43年來通天閣一直係大阪人確認天氣嘅方法——唔係睇App，係抬頭望塔頂嘅霓虹燈顏色。

燈光系統利用塔頂兩層霓虹燈組合，對應9種天氣狀況：晴天、陰天、雨天，以及晴後陰、陰後晴、雨後晴、晴後雨、陰後雨、雨後陰。連落雪都有對應嘅粉紅色燈號，不過大阪少落雪，呢個訊號好難見到。

遺憾的是，由於翻新開支持續增加，加上智能手機普及令天氣預報方式徹底改變，通天閣天氣燈於2022年正式終止其功用，結束了長達43年的「大阪天氣台」歷史。

「想當年，大阪人抬頭睇我就知聽日天氣。
而家……大家都係睇手機算喇！」
——通天閣 唏噓地表示

通天閣ゆきお，胸口印住「通天閣」三個字，背面更重現咗塔頂標誌性嘅大時鐘同「108m」刻字——每一個細節，都係呢座百年地標嘅縮影。

了解完我背後既故事，有冇興趣下次黎大阪都到訪一下呢？！

 👉 立即入手 ゆきお

---

ゆきお地域物語 #02｜大阪通天閣篇
想睇更多日本文化小知識？Follow us on Instagram @iroiro.selectshop